容祖兒隔離21日出關即曬指甲 被網民插離地：同黎明好大反差

容祖兒（Joey）近年開始去內地發展，經常中港兩邊走，早前佢返咗香港同媽媽過年，不過好快又返去內地開工。Joey回內地工作前要先於酒店進行21日隔離，眨吓眼，佢前日完成隔離出關！Joey第一時間喺社交平台宣布喜訊，不過佢講嘅嘢竟然引起咗網民嘅不滿。

同場加映：《Mr. Stranger》｜Anson Lo曾壓力爆煲 憂達不到外界期望 喜見MIRROR 12子各有發展路向

{{hket:ul-video id="5381"}}{{/hket:ul-video}}

現年41歲嘅Joey第一時間出post，上載一張喺酒店大堂自拍，炫耀手指甲嘅照片，留言：「21天的見證，手指（甲）竟然沒有破。」相中見到Joey嘅真指甲都已經生晒出嚟，不過gel上去嘅部分依然完好無缺。香港嘅美甲業被政府停業多時，相信唔少gel開甲嘅女士都感同身受。不過佢呢番言論就引起咗部分網民不滿，留言：「你只關心你嘅手指甲？你真係不知所謂」、「香港水深火熱，仲有心情關心啲手指甲，証明你真係好幸福」、「佢喺深圳呀理得香港係生係死」；更有人拎佢同早前出歌為香港打氣嘅黎明相比，「佢同Leon真係好大反差」。

當然都有唔少人力撐Joey，指環境已經死氣沉沉，大家怨氣都太重，Joey都只係輕鬆post，反問：「係咪淨係可以講疫情呢？」

{{hket:inline-image name="274826098_520484662769610_3566243340968297144_n.jpg"}}{{/hket:inline-image}}

黎明早前推出歌曲《Good Luck》，留言表示：「作為音樂從業員的我，我只能嘗試用音樂去為大家帶來一點輕鬆及共勉。大家保護好自己及家人，心靈互相打氣同High Five！Good Luck！」而MV由黎明親自拍攝，全程影住清晨天空，亦正正係「黎明」來臨嘅一刻。全程1分23秒一鏡到底，直到歌曲的最後，他把鏡頭反轉自拍自己，向鏡頭講咗句：「Good Luck！」

其實容祖兒早前都有響應鄭丹瑞的嘅網上頻道節目「健康·旦」，與謝霆鋒、蔡卓妍、鍾欣潼等捐出快速檢測包，連同之前已支持嘅許冠傑、郭富城及鄭秀文等人合共捐助20,000個快速測試包。快速測試包將轉贈予麥當勞叔叔之家慈善基金、惜食堂、耆康會、路向四肢傷殘協會、肺積塵互助會等五大機構，亦會捐贈給「健康．旦」觀眾。

圖片來源：Facebook

撰文：黃蘊姿